مقدمة من الشيف مروج وائل
المقادير
كيلو بطاطس
ربع لحمة مفرومة
فلفل احمر / اخضر
بصلة
بهارات
ملح / فلفل اسمر / ثوم بودر / بصل بودر / بابريكا / شطة
قطعة دهن مبشورة
نص معلقة بيكنج بودر
معلقتين معجون طماطم
باكو خلطة مفروم
الطريقة
فى الكبة نفرم البصل والفلفل ونصفيهم من المايه ثم ناخد المايه نضيف عليها معجون الطماطم وملح وفلفل ونركنها على جنب لغاية ما نخلص البطاطس
فى بولة ننزل باللحمة المفرومة والبصل والفلفل والدهن المبشور والبهارات والبيكنج بودر
ونضيف باكو خلطة المفرومة فى ربع كوب ماء ونقلبه ونضيفه على اللحمة ونقلبهم و ندخل الكفتة الثلاجة لمدة ربع ساعه تتشمع
نقشر البطاطس ونغسلها ونقطعها دوائر وفى كل دائرة نعمل فاتحة فى النصف
فى الصنيه نرص بطاطس وبصل وطماطم وناخد شريحة البطاطس اللى عملنا فيها دائرة ونحشي الدائرة بالكفته ونرصها بالصنية
ندهن وجه الصنية بمايه البصل و نضيف للصينيه ربع كوب ماء ورشة زيت على الوجه ونغطى الصنيه بورق فويل وندخلها الفرن ..صحتين وهنا
